¶º±ÆÖ±²¥

Mae’r Sefydliad Ffisioleg Ddynol Gymhwysol yn defnyddio technoleg i asesu'r ymatebion ffisiolegol ymddygiadol ac integreiddiol i ddeall a gwella perfformiad, iechyd a lles pobl yn well. Er enghraifft, rydym wedi datblygu apiau a llwyfannau ar-lein yn ddiweddar i alluogi ymarfer corff, presgripsiwn diet ac adsefydlu, a monitro o bell wedi eu teilwra i’r unigolyn.

Mae ein cyfleusterau ymchwil yn cynnwys labordai ffisioleg gardiofasgwlaidd, labordai integreiddiol, labordai EEG, labordai ffisioleg ymarfer corff (dau gyda siambrau amgylcheddol thermol ac efelychu uchder), ac ystafell ddelweddu magnetig gyda sganiwr 3 Tesla dan ofal Uned Ddelweddu Bangor.

Rydym hefyd yn defnyddio'r cyfleusterau hyn a'n harbenigedd ffisioleg i helpu i ddatblygu technolegau newydd. Mae'r gwaith hwn yn aml yn cael ei wneud gyda phartneriaid yn y diwydiant ac mae wedi cynnwys tystiolaeth o gysyniad a phrofi a datblygu cynnyrch. Mae gennym hefyd brofiad o ddatblygu dulliau digidol o fonitro ar-lein ac yn symudol.

Ìý