¶º±ÆÖ±²¥

Mae'r syniad o 'le' wedi'i gydnabod ers amser maith mewn daearyddiaeth ddynol ac mewn meysydd eraill fel cysyniad lleoliadol y mae bodau dynol yn teimlo ymlyniad wrtho mewn rhyw ffordd (e.e., yn emosiynol, yn ddiwylliannol neu trwy ymdeimlad o gyfrifoldeb a pherchnogaeth). Mae newid yn yr hinsawdd yn digwydd yn fyd-eang ond mae'n cael ei deimlo'n lleol, yn y lleoedd rydym yn byw ac yn teimlo cysylltiad â nhw.Ìý

Rydym yn trefnu cyfarfodydd, is-grwpiau thematig a gweithgareddau fel seminarau a sesiynau ysgrifennu ceisiadau am grantiau. Os oes gennych ddiddordeb mewn ymuno â'r grŵp neu i gael rhagor o wybodaeth, cysylltwch â ni ynÌýplocc@bangor.ac.uk. Mae croeso i gyfranogwyr o bob ysgol a choleg yn y brifysgol.Ìý

Mae'r grŵp Llefydd Newid Hinsawdd yn cynnwys myfyrwyr PhD, ymchwilwyr ar ddechrau eu gyrfa, darlithwyr, athrawon a staff ymchwil eraill o bob rhan o'r brifysgol, wedi'u cysylltu gan ein diddordeb mewn lle a newid yn yr hinsawdd. Mae croeso hefyd i fyfyrwyr israddedig ac ôl-radd lle mae ein gweithgareddau'n cyd-fynd â'u hastudiaethau traethawd hir.Ìý

Mae’r ymchwilwyr sy'n ymwneud â’r grŵp Llefydd Newid Hinsawdd yn archwilio'r cysylltiad rhwng lleoedd a newid hinsawdd o sawl safbwynt:Ìý

• Ymchwil gymdeithasegol i gamau gweithredu cymunedol i warchod neu ddatblygu lleoedd ystyrlon, neu i werthoedd lleol sydd ynghlwm â lleoedd sydd dan fygythiad oherwydd newid yn yr hinsawdd, ac ati.Ìý
• Effeithiau seicolegol ymlyniad emosiynol ar ymddygiad cysylltiedig â'r hinsawdd, ac ati.Ìý
• Gwahaniaethau daearyddol rhwng lleoedd y rhoddir gwerth arnynt a lleoedd sy’n cael eu hesgeuluso yng nghyd-destun newid yn yr hinsawdd (mannau poblogaidd a mannau cudd) ac ati.Ìý
• Cynrychioliadau ieithyddol o le mewn perthynas â newid yn yr hinsawdd, dadansoddi disgwrs cyhoeddus a phersonol mewn perthynas ag ymgysylltiad lleol, ac ati.Ìý
• Effeithiau gwyddorau naturiol fel risg llifogydd, newid defnydd tir, newid risg i leoedd, ecosystemau neu dreftadaethÌý
• Swyddogaeth busnes a'r sector ariannol wrth newid ymddygiad buddsoddi, lliniaru risg neu addasu yn wyneb newid yn yr hinsawdd neu bolisi, e.e. targedau lleihau allyriadau nwyon tÅ· gwydrÌý
• Barn artistig ar sut mae bygythiadau lleol i dreftadaeth yn effeithio ar ymdeimlad pobl o leÌý
• Dealltwriaeth wyddonol ar sut mae newid yn yr hinsawdd yn effeithio ar dreftadaeth leol, e.e. strwythurau adeiladu a dadfeiliad deunyddiau, lefel y môr yn codi ac erydu.Ìý
• Dealltwriaeth hanesyddol am sut mae ymdrechion lleol wedi llwyddo i ddiogelu lleoedd ystyrlon yn ystod cyfnodau heriol o newid, gan gynnwys bygythiadau yn yr hinsawddÌý
• Modelau Gwyddor Gwybodaeth Ddaearyddol o sut mae newid yn yr hinsawdd yn effeithio ar syniadau am leoedd sydd wedi'u hymgorffori'n unigol ac yn gymdeithasol