Mae canser yn parhau i fod yn un o'r prif gyfranwyr at forbidrwydd a marwolaethau’n fyd-eang, ac mae cyfraddau’r achosion yn parhau i godi'n gyson. Ar lefel leol, mae gwahaniaethau amlwg yn nifer yr achosion o ganser ar draws Gogledd Cymru a Gogledd Orllewin Lloegr, o gymharu â gweddill y DU. Felly, mae ymchwil canser yn thema graidd bwysig ym Mhrifysgol Bangor.
Diolch i fuddsoddiad mewn ymchwil canser, mae mwy a mwy o gleifion canser yn gwella'n llwyr neu'n byw bywydau hirach, llawnach gyda chanser. Yn anffodus, caiff pob stori o lwyddiant ei gwrthbwyso gan gynnydd cyfyngedig wrth drin canserau ymosodol, cymhleth ac anodd eu trin eraill. Mae angen brys o hyd i ddatblygu strategaethau newydd i drin cleifion â chanserau sydd ddim yn ymateb i therapi, neu sy'n addasu i osgoi triniaeth.
Mae North West Cancer Research yn elusen annibynnol sydd wedi ymrwymo i roi anghenion canser ein rhanbarth yn gyntaf, gan ariannu ymchwil ac addysg arloesol i ymdrin â'r achos, gwella'r gofal a dod o hyd i wellhad i ganser.
Yn Sefydliad North West Cancer Research, a leolir yn Ysgol Feddygol Gogledd Cymru, Prifysgol Bangor, mae nifer o dimau yn gweithio o wahanol onglau i ddeall bioleg canser yn well, ac i ddefnyddio'r wybodaeth hon i wella canlyniadau i gleifion.
Themâu canolog ein hymchwil canser yw:
1. Datblygu cyffuriau gwrth-ganser newydd
2. Deall sut mae canserau yn goroesi triniaeth
3. Nodi a dilysu biofarcwyr canser newydd
Ìý
I gael rhagor o wybodaeth am y gwaith hanfodol a wneir gan North West Cancer Research, neu i gael gwybod sut y gallwch gefnogi’r elusen, ewch i .
Pobl
Dysgwch fwy am staff unigol ac ymchwilwyr ôl-raddedig yn Sefydliad North West Cancer Research ym Mhrifysgol Bangor.
Ariannu
Yn ogystal â NWCR, rydym yn ddiolchgar i UK Research and Innovation (UKRI), Ymchwil Canser Cymru (CRW) a KESS2, am ariannu ein hymchwil ar hyn o bryd, ac i’r Cyngor Ymchwil BiotechnolegÌý Gwyddorau Biolegol, MRC, Ymddiriedolaeth Wellcome, Cancer Research UK, Awyr Las a Tenovus am ein cefnogi’n flaenorol.
Sut gallwch chi ein cefnogi?
Er mwyn gallu mynd ymhellach gyda’n hymchwil, mae'n rhaid i ni fuddsoddi yn y cyfarpar, y dechnoleg a’r arbenigedd diweddaraf yn gyson. Gallwch hefyd gefnogi ymchwil yn sefydliad North West Cancer Research Bangor yn uniongyrchol trwy roi rhodd. Mae rhoddion fel rheol yn mynd tuag at brynu'r offer diweddaraf.Ìý I sicrhau gwneud y defnydd gorau o’ch rhoddion, bydd unrhyw beth a brynir yn cael ei gymeradwyo gan bwyllgor gwyddonol NWCR, sy’n cynnwys panel o ymchwilwyr canser arbenigol annibynnol.
Os hoffech ein cefnogi, cysylltwch â Dr Edgar Hartsuiker:
Rhodd hael gan Ms Mair Roberts
Mae cymynrodd hael, a dderbyniwyd gan Ms Mair Roberts, cyfaill i Brifysgol Bangor, wedi cael ei ddefnyddio i brynu offer i gefnogi ymchwil yr ysgol yn y maes bioleg celloedd canser a ffarmacoleg.