����ֱ��

Llongyfarchiadau i Anne Adetonwa (MBA Rheolaeth) a Dylan Davies (MSc Rheolaeth a Chyllid). Mae Anne a Dylan yn ddau o blith pum myfyriwr ar restr fer gwobr Myfyriwr y Flwyddyn 2024 fel rhan o Wobrau Rhagoriaeth 2024 y Sefydliad Rheolaeth Siartredig. Nododd y Sefydliad Rheolaeth Siartredig “Mae’r unigolion hyn wedi dangos gallu rhyfeddol i ddeall a chymhwyso egwyddorion rheolaeth ac arweinyddiaeth, ac maent ar y trywydd cywir i ysbrydoli a siapio gweithlu’r dyfodol”.

Dywed Dr Clair Doloriert (Arweinydd y Sefydliad Rheolaeth Siartredig yn Ysgol Busnes Bangor) “Mae cyrraedd y rhestr fer hynod gystadleuol hon yn llwyddiant enfawr i Anne a Dylan, gan fod myfyrwyr yn cael eu henwebu o bob prifysgol a darparwr Achrededig Deuol y Sefydliad Rheolaeth Siartredig yn y Deyrnas Unedig. Mae cyrraedd y rhestr fer yn cydnabod eu hymrwymiad i'w hastudiaethau a'u dysgu ar eu rhaglenni ôl-radd a'u llwyddiant yn eu gyrfaoedd ar ôl graddio. Rwy’n dymuno pob lwc i Anne a Dylan ym mis Tachwedd 2024 pan fydd yr enillydd yn cael ei gyhoeddi yng Nghinio Arlywyddol mawreddog y Sefydliad Rheolaeth Siartredig”.

Meddai’r Athro Bruce Vanstone (Pennaeth Ysgol Busnes Bangor) “Rydym yn hynod falch o Anne a Dylan, a phopeth y maent yn ei gyflawni; maent yn destament nid yn unig i ansawdd y ddarpariaeth addysgu a dysgu yn Ysgol Busnes Bangor, ond hefyd i’w cymhelliant nhw a’u hymgysylltiad â dysgu, cyflogadwyedd, a datblygiad gyrfa. Pob lwc Anne a Dylan”.

��