Teithio a Thrafnidiaeth
Canllawiau Teithio Cynaliadwy
Polisi Teithio a Thrafnidiaeth
Yn ogystal â’r amodau cynaliadwyedd a nodir yn ein Polisi Teithio a Threuliau Gweithwyr, rydym hefyd wedi cynhyrchu set o Ganllawiau i Staff, isod, i leihau allyriadau o deithiau busnes.
Cydnabyddir bod teithio busnes yn fyd-eang yn rhan allweddol o ofynion y Brifysgol fel busnes. Byddai’n anymarferol atal pob taith tramor, ond ein nod yw addysgu staff a myfyrwyr am ddewisiadau carbon is.
Dywed ein Polisi “Disgwylir i weithwyr geisio cael gwerth da am arian heb amharu ar effeithlonrwydd y brifysgol ac i ystyried effaith amgylcheddol teithio." Fel arfer disgwylir i deithiau trên dosbarth safonol, ystafelloedd gwesty safonol a hediadau dosbarth economi fod yn briodol, a gellir ad-dalu staff sy'n dymuno teithio ar feic.
I feddwl am opsiynau teithio mwy cynaliadwy dilynwch yr hierarchaeth deithio isod ar gyfer eich taith. Gofynnwch i chi'ch hun a oes rhaid i chi fynd i'r digwyddiad yn gorfforol neu a allwch chi ei gynnal ar-lein neu ddefnyddio'r cyfleusterau fideo-gynadledda, neu a allwch chi gyfuno cyfarfodydd yn un daith.
Mae teithio mewn awyren yn dueddol o fod y dull trafnidiaeth leiaf cynaliadwy. Gallwch ddefnyddio'r i'ch helpu i benderfynu pa mor bwysig yw mynychu cynhadledd neu ddigwyddiad penodol ar ôl i chi sefydlu nad oes unrhyw ddewisiadau eraill yn lle hedfan.
Mae'r wedi cyfrifo nifer o ddulliau teithio cymharol ar gyfer gwahanol deithiau, i ddangos allyriadau nwyon tÅ· gwydr dangosol ar gyfer un teithiwr.
Mae Effeithiau Anuniongyrchol yn cyfeirio at effaith hinsoddol llygryddion nad ydynt yn CO2, megis anwedd dŵr, aerosolau ac ocsidau nitrogen. Mae’r siart hwn yn adlewyrchu amcangyfrif canolog o effeithiau di-CO2 y daith; fodd bynnag mae'r amcangyfrif hwn yn ansicr iawn. Gallai effeithiau nad ydynt yn CO2 fod yn uwch neu'n is.
Dolenni Cyflym- Gweler map o
- Gall staff brynu beic ac offer diogelwch drwy'r cynllun aberthu cyflog
- Gall staff brynu am bris gostyngol
- Cewch fanylion amserlenni bysiau a threnau ar wefan
- Gellir dod o hyd i ar gyfer pob safle yma
- Gorchudd (Yswiriant) Teithio'r Prifysgol
Wasanaethau Campws: Trydaneiddio’r Fflyd
Mewn ymdrech i fod yn sefydliad sy’n gwneud defnydd mwy effeithlon o adnoddau, mae gan y Brifysgol bellach 16 cerbyd trydan yn rhan o fflyd y Gwasanaethau Campws.
Gwnaed hyn yn bosibl drwy gais llwyddiannus gan y Gwasanaethau Campws am gyllid Economi Gylchol Llywodraeth Cymru. Talodd hyn am bedwar o’r cerbydau trydan. Yn ogystal, defnyddiwyd Cyllid gan Gyngor Cyllido Addysg Uwch Cymru i brynu chwe cherbyd ychwanegol.
Mae newid y fflyd i fod yn un trydan yn cyfrannu at uchelgais y Brifysgol i fod yn brifysgol gynaliadwy ac yn cyfrannu ymhellach at nod ac amcanion Deddf Llesiant Cenedlaethau’r Dyfodol 2015.
Fel yr esbonia Meryl Wyn-Jones, Pennaeth Gweithrediadau Cyfleusterau y Gwasanaethau Campws:
“Fe wnaeth y cyllid yn ein galluogi ni i gyfnewid y cerbydau disel am rai trydan ac erbyn hyn mae’r Adain Ddiogelwch, ar y cyfan, ddim ond yn defnyddio cerbydau trydan.
Mae’r Adain Cyfleusterau wedi cael gwared ar y ddau gerbyd disel olaf oedd ganddyn nhw, a bellach mae’r adain yn defnyddio cerbydau trydan, ar wahân i’r adegau pan mae angen llogi fan y mae ei chefn yn codi i symud llwythi mawr a thrwm.
Ar hyn o bryd mae yna 16 cerbyd trydan yn ein fflyd ac fe fydden ni’n hoffi symud ymhellach i lawr y llwybr trydan yn y dyfodol. Mae'r fflyd yn cynnwys dau gerbyd arbenigol yn rhan o’r fflyd - tryc tipio a fan cawell.
Mae’r Tîm Tiroedd a Thirlunio wedi dweud eu bod yn gallu gweithio’n fwy effeithiol ers dechrau defnyddio’r tryc tipio. Mae gallu’r tryc i gario llwythau mwy wedi torri ar nifer y teithiau y mae’n rhaid eu gwneud i’r safle compostio, ac mae ei allu i dipio wedi cwtogi ar yr amser mae’n ei gymryd i ddadlwytho.
Mae’r ramp sydd gan y cerbyd cawell hefyd yn hynod hwylus ac yn ei gwneud lawer yn haws i’r Tîm Cyfleusterau lwytho biniau ac ailgylchu."
